ഇൻസ്റ്റിറ്റ്യൂട്ട് ഓഫ് ഓഫ്താൽമോളജി വജ്രജൂബിലി സമാപനവും, ആശുപത്രി സ്ഥാപക ദിനാഘോഷവും
അങ്കമാലി ലിറ്റിൽ ഫ്ളവർ ആശുപത്രിയോടനുബന്ധിച്ച് പ്രവർത്തിക്കുന്ന ഇൻസ്റ്റിറ്റ്യൂട്ട് ഓഫ് ഓഫ്താൽമോളജിയുടെ വജ്രജൂബിലി സമാപന ആഘോഷങ്ങളും, ആശുപത്രി സ്ഥാപക ദിനത്തോടനുബന്ധിച്ചുള്ള പൊതുയോഗവും പ്രതിപക്ഷ നേതാവ് വി. ഡി. സതീശൻ ഉദ്ഘാടനം ചെയ്തു. ആധുനിക നേത്രചികിത്സ സാധാരണക്കാർക്ക് ലഭ്യമാകണം എന്ന ലക്ഷ്യത്തോടെ ആരംഭിച്ച ഇവിടുത്തെ നേത്രചികിത്സ കേന്ദ്രം രാജ്യത്തിന് മുഴുവൻ മാതൃകയാണെന്നും, സംസ്ഥാനത്തിന് അഭിമാനമാണെന്നും അദ്ദേഹം പറഞ്ഞു. മേജർ ആർച്ച് ബിഷപ്പിൻ്റെ വികാരി ആർച്ച്ബിഷപ്പ് മാർ ജോസഫ് പാംപ്ലാനി അദ്ധ്യക്ഷത വഹിച്ച യോഗത്തിൽ, ഡയറക്ടർ ഫാ ജേക്കബ് ജി. പാലക്കാപ്പിള്ളി സ്വാഗതമോതി. അവയവ കോശദാന രംഗത്തെ മികച്ച മാതൃകയ്ക്കുള്ള സംസ്ഥാന പുരസ്കാരം ലഭിച്ച ഇവിടുത്തെ നേത്രബാങ്ക് ഇന്ത്യയിൽ സ്വകാര്യ മേഖലയിലെ ആദ്യ നേത്രബാങ്കാണെന്നും കണ്ണുകൾ ശേഖരിക്കുന്നതിൽ കേരളത്തിൽ ഒന്നാം സ്ഥാനവും, രാജ്യത്ത് നാലാം സ്ഥാനവും ഈ നേത്ര ബാങ്കിനുണ്ടെന്നും ഡയറക്ടറും നേത്രബാങ്ക് പ്രസിഡന്റുമായ ജേക്കബ് ജി. പാലക്കാപ്പിള്ളി വ്യക്തമാക്കി. വികാരി ജനറാൾ ആന്റോ ചേരാന്തുരുത്തി, സെൻ്റ് ജോർജ്ജ് ബസിലിക്ക റെക്ടർ ഫാ. ലൂക്കോസ് കുന്നത്തൂർ, ജോയിൻ്റ് ഡയറക്ടർ ഫാ. വർഗ്ഗീസ് പൊന്തേമ്പിള്ളി, ബെന്നി ബെഹനാൻ എം.പി, റോജി എം ജോൺ എം എൽ എ, മുനിസിപ്പൽ ചെയർമാൻ അഡ്വ. ഷിയോ പോൾ, ഡപ്യൂട്ടി മെഡിക്കൽ സൂപ്രണ്ട് ഡോ. ജോൺ എബ്രഹാം, നേത്രചികിത്സ വിഭാഗം മേധാവി ഡോ. എലിസബത്ത് ജോസഫ് എന്നിവർ പ്രസംഗിച്ചു. ഗവേഷണ നിർണയ മേഖലയിലെ എല്ലാ ആധുനിക സൗകര്യങ്ങളും കൂടുതൽ വിശാലമായ രീതിയിൽ നവീകരിച്ച ലാബ്, ലിറ്റിൽ ഫ്ളവർ ഡയഗണോസ്റ്റിക് ആൻഡ് റിസർച്ച് സെന്റർ എന്നിവയുടെ ഉദ്ഘാടനം അതിരൂപത വികാരി ജനറാൾ ഫാ. ആൻ്റോ ചേരാന്തുരുത്തി നിർവഹിച്ചു.
കാഴ്ചയിലേക്ക് ഒരു യാത്ര
ലോക കാഴ്ച ദിനത്തോടനുബന്ധിച്ച് ലിറ്റില് ഫ്ളവര് ആശുപത്രിയുടെ നേതൃത്വത്തില് അങ്കമാലി പട്ടണത്തിലെ ഓട്ടോ ഡ്രൈവര്മാര്ക്കായി നടപ്പിലാക്കുന്ന സൗജന്യ നേത്രരക്ഷാപദ്ധതി ‘കാഴ്ചയിലേക്ക് ഒരു യാത്ര’ അങ്കമാലി പോലീസ് എസ്. ഐ. അജിത് കുമാര് ഉദ്ഘാടനം ചെയ്തു. എല്. എഫ്. ആശു പത്രി ഡയറക്ടര് ഫാ. ജേക്കബ് ജി. പാലയ്ക്കാപ്പിള്ളി അദ്ധ്യക്ഷത വഹിച്ച യോഗത്തില് അസി.ഡയറക്ടര് ഫാ.വര്ഗ്ഗീസ് പൊന്തേമ്പിള്ളി, നേത്രചികിത്സാ വിഭാഗം മേധാവി ഡോ.എലിസബത്ത് ജോസഫ്, ഡോ. തോമസ് ചെറിയാന്, മേരി സെബാസ്റ്റ്യൻ, ഓട്ടോ ഡ്രൈവര്മാരുടെ പ്രതിനിധി ജിജോ ഗര്വാസീസ് എന്നിവര് പ്രസംഗിച്ചു. അങ്കമാലിയുടെ വിവിധ ഭാഗങ്ങളിലുള്ള അറുനൂറോളം ഓട്ടോ ഡ്രൈവര്മാര്ക്ക് ഈ പദ്ധതിയുടെ പ്രയോജനം ലഭിക്കുമെന്ന് ഡയറക്ടര് ഫാ. ജേക്കബ് ജി. പാലയ്ക്കാപ്പിള്ളി വ്യക്തമാക്കി.
വിളക്കുമരച്ചുവട്ടിൽ – 2025
അങ്കമാലി ലിറ്റിൽ ഫ്ളവർ ആശുപത്രിയിൽ പ്രവർത്തിക്കുന്ന സ്വകാര്യ മേഖലയിൽ രാജ്യത്തെ ആദ്യ നേത്രബാങ്ക് ആയ കേരള നേത്രബാങ്ക് അസ്സോസിയേഷൻ്റെ നേതൃത്വത്തിൽ സംസ്ഥാനത്തിൻ്റെ വിവിധ ഭാഗങ്ങളിൽ നേത്രദാന രംഗത്ത് സേവനമനുഷ്ഠിക്കുന്ന സന്നദ്ധ പ്രവർത്തകരുടെ സംഗമം ‘വിളക്കുമരച്ചുവട്ടിൽ – 2025’ ഡയറക്ടർ ഫാ. ജേക്കബ് ജി. പാലയ്ക്കാപ്പിള്ളി ഉദ്ഘാടനം ചെയ്തു. അസിസ്റ്റൻ്റ് ഡയറക്ടർ ഫാ. വർഗീസ് പാലാട്ടി, നേത്രബാങ്ക് മെഡിക്കൽ ഡയറക്ടർ ഡോ. ഹില്ഡ നിക്സൺ, വൈസ് പ്രസിഡൻ്റ് പോൾ ടി. ജെ., ഡോ. തോമസ് ചെറിയാൻ, വി. കെ. ആന്റണി മാസ്റ്റർ എന്നിവർ പ്രസംഗിച്ചു.
കാൽ നൂറ്റാണ്ടിലധികമായി ഈ രംഗത്ത് പ്രവർത്തിക്കുന്നവരെ ചടങ്ങിൽ ആദരിച്ചു. നേത്രദാന രംഗത്ത് പ്രവർത്തിക്കുന്നവർ അനുഭവങ്ങൾ പങ്കുവച്ചു. സംശയങ്ങൾക്ക് കോർണിയ വിദഗ്ദ്ധർ മറുപടി നൽകി. കണ്ണ് മാറ്റിവയ്ക്കൽ ശസ്ത്രക്രിയയിലൂടെ കാഴ്ച്ച ലഭിച്ചവർ അപൂർവ അനുഭവങ്ങൾ പങ്കുവച്ചു. ഇരുന്നൂറോളം പേർ പങ്കെടുത്തു.
ലോക മുലയൂട്ടൽ വാരാചരണം നടത്തി
അങ്കമാലി: ലിറ്റിൽ ഫ്ലവർ ആശുപത്രി, ഇന്ത്യൻ അക്കാദമി ഓഫ് പീഡിയാട്രിക്സ്, ലിറ്റിൽ ഫ്ലവർ നഴ്സിംഗ് വിദ്യാർത്ഥികൾ എന്നിവരുടെ നേതൃത്വത്തിൽ ലിറ്റിൽ ഫ്ലവർ ആശുപത്രിയിൽ ലോക മുലയൂട്ടൽ വാരാചരണം നടത്തി .
കസ്റ്റംസ് ഇൻഡയറക്റ്റ് ടാക്സ് ആൻഡ് നെർക്കോട്ടിക് അഡീഷണൽ ഡയറക്ടർ രാജേശ്വരി ആർ നായർ,ഐ ആർ എസ് ഉദ്ഘാടനം നിർവഹിച്ചു. എൽ എഫ് ആശുപത്രി ഡയറക്ടർ ഫാദർ ജേക്കബ് ജെ.പാലക്കപ്പിള്ളി അധ്യക്ഷത വഹിച്ചു.
Body Contouring മെഡിക്കൽ ക്യാമ്പിന്റെ ഉദ്ഘാടനം
അങ്കമാലി ലിറ്റിൽ ഫ്ലവർ ആശുപത്രിയിൽ 2025 ജൂലൈ 15 മുതൽ 19 വരെ നടത്തുന്ന Body Contouring മെഡിക്കൽ ക്യാമ്പിന്റെ ഉദ്ഘാടനം പ്രശസ്ത പിന്നണി ഗായിക അരുണ മേരി ജോർജ് നിർവഹിച്ചു. ആശുപത്രിയിലെ പ്ലാസ്റ്റിക് റീകൺസ്ട്രക്ഷൻ എസ്തെറ്റിക് & മൈക്രോവാസ്ക്കുലർ സർജറി വിഭാഗത്തിന്റെ നേതൃത്വത്തിലാണ് ക്യാമ്പ് സംഘടിപ്പിക്കുന്നത്. ആശുപത്രി ഡയറക്ടർ ഫാ. ജേക്കബ് ജി. പാലയ്ക്കാപ്പിള്ളി അധ്യക്ഷനായ ചടങ്ങിൽ അസി. ഡയറക്ടർ ഫാ. വർഗ്ഗീസ് പാലാട്ടി, കൺസൾട്ടന്റുമാരായ ഡോ. പി. പി. സന്തോഷ് കുമാർ, ഡോ. അജോ സെബാസ്റ്റ്യൻ, ഫിസിഷ്യൻ അസിസ്റ്റന്റ് അനു ബേബി എന്നിവർ പ്രസംഗിച്ചു.
സ്കൂൾ വിദ്യാർത്ഥികളുടെ സൗജന്യ നേത്രരക്ഷ പദ്ധതിയുടെ ജില്ലാതല ഉദ്ഘാടനം
ലിറ്റിൽ ഫ്ലവർ ആശുപത്രിയിലെ നേത്ര ചികിത്സാ കേന്ദ്രത്തിൻറെ നേതൃത്വത്തിൽ മിഷൻ ഫോർ വിഷൻറെയും, കോഗ്നിസന്റ് ഫൗണ്ടേഷന്റെയും സഹകരണത്തോടെ നടപ്പിലാക്കുന്ന സ്കൂൾ വിദ്യാർത്ഥികളുടെ സൗജന്യ നേത്രരക്ഷ പദ്ധതിയുടെ ജില്ലാതല ഉദ്ഘാടനം വളയൻചിറങ്ങര എൻ.എസ്.എസ് ഹൈസ്കൂളിൽ അസിസ്റ്റൻറ് കളക്ടർ ആൻജീത് സിംഗ് നിർവഹിച്ചു. 1,20000 വിദ്യാർത്ഥികൾക്ക് ആവശ്യമായ നേത്രാരോഗ്യ സേവനങ്ങൾ നൽകുക എന്നതാണ് പദ്ധതിയുടെ ലക്ഷ്യം.
